Исцеляющие молитвы к православным святым.

Молитва (вариант 1).

Царице моя Преблагая, Надеждо моя Пресвятая, Споручнице грешных! Се, бедный странник предстоит Тебе! Не остави мене всеми оставленнаго, не забуди мене всеми забытаго, даждь ми радость, неведущему радования. О тяжки мои беды и скорби! О безмерны мои грехопадения! Яко тьма нощная – житие мое. И несть в сынех человеческих не единаго сильнаго ми помощи. Ты – Единая моя Надежда. Ты – Единый мой Покров, Прибежище и Утверждение. Дерзновенно простираю к Тебе немощныя мои руце и молю: умилосердися о мне, Всеблагая, пощади, пощади искупленною Кровию Сына Твоего, утоли болезни многовоздыхающия души моея, укроти ярость ненавидящих и обидящих мя, возстави силы моя увядающия, обнови, яко у орляте, юность мою, не попусти ослабнути в делание заповедей Божиих. Огнем небесным коснися смущенныя души моея и исполни ю веры непостыдныя, любве нелицемерныя и надежды известныя. Да всегда пою и славлю Тебе, Преблагословенную мира Заступницу, Покров наш и Споручницу всех нас грешных, и покланяюся Сыну Твоему и Спасу нашему, Господу Иисусу Христу, с Безначальным Его Отцем и Жизнеподательным Духом Святым во веки веков. Аминь.