Исцеляющие молитвы к православным святым.

Песнь 6.

Ирмос: Бездна последняя грехов обыде мя, и исчезает дух мой: но прострый, Владыко, высокую Твою мышцу, яко Петра мя, Управителю, спаси.

Бездну милосердия и милости имея, Христе Боже, услыши моления раб Твоих. Ты бо еси Петром Тавифу воскресил, Ты и ныне в болезни лежащаго воздвигни, послушав церковных молитвенник.

Врачу душам и телесем нашим, понесый недуги всего мира, Христе, и Енея Павлом исцеливый, Ты и ныне болящаго исцели святых апостол молитвами.

Слава: Преложи, Христе, на радость рыдание о недужнем скорбящем, да Твою получивше милость, внидет в дом Твой со обетными дарми, славяще Тя в Троице Единаго Бога.

И ныне: Приидите, о друзи, поклонимся молящеся о болящем Божией Матери. Та бо имеет власть недужныя исцеляти, со безмездникома вкупе, духовным невидимо помазующе маслом.