Исцеляющие молитвы к православным святым.

Песнь 8.

Ирмос: Служити Живому Богу, в Вавилоне отроцы претерпевше, о мусикийских органех нерадиша, и посреде пламене стояще, боголепную песнь воспеваху, глаголюще: благословите вся дела Господня Господа.

Милость покажи, Владыко, в болезни раба Твоего, и скоро исцели, милостиве Христе Боже, и аще смерти не предаждь судней, да Ти покаяние воздаст. Сам бо рекл еси: не хощу смерти грешничи.

Господи милостиве, Твоя преславная чудеса да и до нас ныне достигнут: бесы прожени, недуги погуби, раны исцели, болезни уврачуй, и потворы и чародеяния и всякия язи избави ны.

Слава: Запретивый, Христе, морским ветром, и страх ученик на радость преложивый, и ныне запрети тяжким болезнем, труждающим раба Твоего, да вси возвеселимся, хваляще Тя во веки.

И ныне: Избави, Богородице, от обышедших ны печалей, различных недуг, отравы же и чародейства, и бесовскаго мечтания и от навета злых человек и от напрасныя смерти, молим Ти ся.