Меть 51. 3 2 1.

Человече, тебе вся реченная бысть, поля твоя исполнится тука[20], радостию холмы перепояшутся и удолия[21] умножат пшеницу; тако и ты, человече, что думал, все умножится по твоему хотению и радостию совершится: во всем тебе сия меть потребна.

Меть 52. 3 1 1.

Боже, во святем путь твой, тако и тебе, человече, мысли твоей и гаданию путь готов уже, и врата отворяются, о том царь Давид рече, и паки помощь моя от Господа, сотворившего небо и землю, тако прошение по мысли твоей все Бог управит и добром совершится.

Меть 53. 2 2 2.

Речи Господь Господеви моему: седи одесную меня, дондеже[22] положи враги твоя под ногами твоими; тако и ты, человече, о чем еси гадал, по желанию твоему совершится, вначале молись Богу; хощеши знатися с великими людьми или корысти наживать, в путь ехать или ко властям, и управи Бог по твоему намерению здраво, и с радостию в дом свой возвратишася.

Меть 54. 2 2 1.

Прими, Господи, оружие и щит и восстани в помощь мою, о чем еси думал и гадал, мало поберегись, есть на тебе великий недруг и хощет аки волк ухапити и копает яму; а о пути и о корыстиили в нов дом не ходи и вели о том кинуть в другой [раз], что ти укажет.

Меть 55. 2 1 1.

Рече безумный в сердце своем: несть Бога, тако и ты, человече, желание твое во всем худо впредь; желаеши прелюбодействовати; дело твое всё ничто, будет же постоянно и мысль твоя: аки волны в море колеблются, тако откинь впредь такие мысли, не помышляй и не делай.

Меть 56. 1 1 1.

Помилуй мя, Боже, помилуй мя, яко на ти упова душа моя; тако и ты, человече, помолись Богу: желание твое исправится, мудрии пророцы прорекоша: ему же подаст; о чем еси думал и гадал, всё Бог исправит и радостию совершится; в путь пойди, добро будет, а недруга не бойся, он сам тебя боится, в дому твоем добро и житие твое стройно и недвижимо, и зело сия меть пользует ко всякому делу и корысть являет.